Қўшкўпир туманида хотин-қизларга ижтимоий, ҳуқуқий, психологик ёрдам бериш, билим ва касб-ҳунар ўрганишга иштиёқи бор ишсиз хотин-қизларни ҳар томонлама қўллаб-қувватлаш, айниқса,  “Аёллар дафтари”га киритилган хотин-қизларнинг муаммоларини тизимли ҳал этиш бўйича  амалий ишлар олиб борилмоқда.

Бугунги кунда туманда “Аёллар дафтарига” киритилган 3985 нафар хотин-қизлар мавжуд бўлиб, уларни иш билан таъминлаш борасида ўқув-курслар ташкил этилмоқда.

         Тикувчиликнинг сир-асрорларини ўргатиш бўйича “Файз” хусусий корхонасига ҳам ишсиз ёшлар жалб қилинган бўлиб, ўқув курсни муваффақиятли якунлаган ёшларга туман ҳокимининг хотин-қизлар масалалари бўйича маслаҳатчиси Ойбиби Раҳимова томонидан “Сертификат”лар топширилди.

Эндиликда уларга ўз бандлигини таъминлаб, тадбиркорлигини бошлашлари учун имконият яратилди.

ҚЎШКЎПИР ТУМАНИ ҲОКИМЛИГИ АХБОРОТ ХИЗМАТИ