Қўшкўпир туман Кенгашининг сессиясиХалқ депутатлари Қўшкўпир туман Кенгашининг биринчи сессияси бўлиб ўтди. Сессияни Халқ депутатлари туман Кенгашига сайлов ўтказувчи туман сайлов комиссиясининг раиси Рўзимбой Дўсчонов очиб берди ва сессияга  раислик қилишни   депутатлар томонидан номзоди кўрсатилган энг кекса депутатлардан Султонназир Ўрозматовга топширди.  Сессиянинг кун тартибида қуйидаги масалалар кўриб чиқилди.  Туман сайлов комиссияси раисининг ахбороти, Халқ депутатлари туман Кенгашининг Регламенти ва доимий комиссиялар тўғрисидаги Низомни тасдиқлаш тўғрисида, Халқ депутатлари Қўшкўпир туман Кенгашига сайланган депутатларни рўйхатга олиш, Халқ депутатлари Қўшкўпир туман Кенгашининг доимий комиссияларини тузиш,  Хоразм вилояти ҳокими томонидан туман ҳокими лавозимига тақдим этилган номзодни тасдиқлаш, Халқ депутатлари вилоят, туман ва шаҳар Кенгашлари депутатлари Қўшма мажлиси Маслаҳат Кенгаши аъзолигига номзодни тавсия этиш ҳақида.

 Биринчи масала юзасидан туман сайлов комиссияси раиси Рўзимбой Дўсчоновнинг ахбороти эшитилди. Кун тартибидаги бошқа масалалар кўриб чиқилганидан сўнг  вилоят ҳокимининг биринчи ўринбосари Қудрат Игемберганов сўзга чиқди ва  вилоят ҳокимининг Жўрабек Раҳимовни туман ҳокими лавозимига тақдим этилгани хусусидаги қарорини ўқиб эшиттирди. Жўрабек Раҳимов депутатлар томонидан бир овоздан туман ҳокими лавозимига тасдиқланди.  Сессия якунида Халқ депутатлари вилоят , туман ва шаҳар Кенгашлари Қўшма мажлиси Маслаҳат Кенгашига Султонназир Ўрозматов сайланди ва депутатлар кўрилган масалалар бўйича қарор қабул қилдилар.